Um okkur
Góður matur, skemmtileg stemning og óvæntir bragðtónar einkenna Fröken Reykjavík Kitchen & Bar í hjarta borgarinnar. Hér mætast norræn og evrópsk matargerð og áhrif frá Suðaustur-Asíu. Áhersla er lögð á ferskt og vandað hráefni, spennandi bragðsamsetningar og rétti sem koma skemmtilega á óvart.
Nútímalegar Art Deco-innréttingar setja svip sinn á staðinn, þar sem opið eldhús, glæsilegur garðsalur og líflegur kokteilbar skapa skemmtilega umgjörð fyrir kvöldið.
Fröken Reykjavík Kitchen & Bar er staður til að koma saman, njóta góðs matar og drykkja og eiga góða stund í miðborginni.
Snædís Xyza Mae Jónsdóttir er yfirmatreiðslumeistari
Snædís Xyza Mae Jónsdóttir er yfirmatreiðslumeistari á Fröken Reykjavík. Snædís gegndi stöðu fyrirliða kokkalandsliðsins frá árinu 2020 og tók við sem þjálfari þess árið 2023. Hún lét af störfum sem landsliðsþjálfari í desember 2025 til að einbeita sér að þátttöku sinni í einni virtustu matreiðslukeppni heims, Bocuse d’Or Europe. Í mars síðastliðnum tryggði hún sér sæti í úrslitum keppninnar sem fram fara á næsta ári.